miércoles, 10 de agosto de 2011

Un discurso que sempre recordarei

' 'Ola. Benvidos á estrea de Animais Artificiais. A partir da obra teatral "Animales Artificiales" de Ana Vallés, creouse un guión, traducido do castelán ó galego por Carlos Loureiro, que utilizou Miguel Carbajal, director do proxecto, xunto con Xoán Xosé Pérez, director técnico, para dar vida a esta mediametraxe. Antes de nada, debo decirvos que, despois da película, vai ser o Making Off, que é o "Como se fixo". Así que, non vos marchedes, por favor. A película dura sobre corenta minutos e o Making Off, media hora. Para non alargarme moito, farei un breve resumo do que significou e significará sempre para min esta singular mediametraxe. Todo comezou un día no que unhas persoas comentaron algo no autobús. A noticia extendíase sixilosamente: outro proxecto máis de Carbajal. Pouco despois, fun falar con este profesor e mandoume ir consultarlle a Xoán Xosé Pérez, co que quedei para encargarme do Making Off. Moita xente desexaría poder colaborar nesta obra, polo que, dalgún modo, síntome privilexiado de estar neste grupo. No meu caso, xa tiña experiencia de "Dairas", que é o anterior traballo que organizou Miguel xunto coa axuda doutros profesores, entre os que tamén estivo Xoán Xosé, pero, segundo a experiencia dos demais, neste tempo puiden comprobar como ía cambiando o ánimo, o pensamento, as ganas... En resumo, a vida de todos os que colaboraron. Facíame feliz poder aprender cousas novas xunto con outras persoas e relacionarme con aqueles cos que probablemente nunca se me tería pasado pola cabeza dirixirlles a palabra. Que dicir de Animais Artificiais? Que seguramente me cambiou por completo. A min e a moitos máis. E esta noite, despois de pasar a etapa de nervios, espero de todo corazón que esta película que van ver proxectada aquí, nesta mesma pantalla, lles guste e lles chegue á alma como nos chegou a nós, que, aínda que ó final non pase, seguiranos parecendo que o esforzo valeu a pena, porque, en definitiva, hai poucas cousas capaces de unir a un grupo de xente e creo, mellor dito, aseguro que Animais Artificiais é unha delas. Moitas grazas.' '

sábado, 11 de junio de 2011

NORABOA!!!

A estrea foi un éxito... o público púxose en pé ó final da obra e mesmo parecía que non paraba de aplaudir, nun Teatro Principal ATEIGADO, con xente nos corredores.
Noraboa a tódolos participantes neste proxecto tan importante e laborioso. Ó final a recompensa supera ó esforzo.
Unha aperta inmensa a todos/as que empregastes o voso tempo, enerxía, traballo e ARTE neste traballo. Xa ninguén nos poderá arrebatar as sensacións vividas na estrea.



"Nesta paisaxe nevada non hai acción, tampouco hai ficción, non hai trama, dramas os xustos... o que si hai nesta ocasión é mensaxe, varias mensaxes..."

viernes, 10 de junio de 2011

Estrea!!!

“Hai xente que ten a capacidade de imaxinarse coma outra persoa e hai xente que non a ten (cando esa carencia é extrema, chamámoslles psicópatas). E hai xente que ten esa capacidade pero decide non poñela en práctica.”
Coetzee: “Elizabeth Costello”
Nota: web de Matarile Teatro.





Cartel deseñado polo alumno Iago Fernández, de 1º bacharelato de artes plásticas. Baixo a dirección do profesor Xoán Xosé Pérez.
A verdade é que non foi doado seleccionar o cartel entre outras propostas presentadas por varios alumnos/as.
Noraboa a todos/as

miércoles, 8 de junio de 2011

Making Off finalizado

Finalmente, hoxe, mellor dito, onte rematamos o Making Off. Agora só falta esperar ata a estrea para velo. Si tedes vergoña, non vos preocupedes, ídes a ter moita máis cando esteades vendo na pantalla grande as vosas animaladas. Con isto, tampouco é que pretenda poñer nervioso a ninguén, só que me fai moi feliz pensar que non quedou ningunha persoa liberada de aparecer nalgún vídeo dos montados. Aínda que o que máis me importa é que, despois de tres meses de ensaios, dous meses de rodaxe e outras semanas de montaxe, o traballo, por fin, quedou rematado e só falta cumprir o noso propósito, que é o éxito.

lunes, 6 de junio de 2011

domingo, 29 de mayo de 2011

Making Off en proceso

Finalmente, comezou fai pouco tempo o período de montaxe e, mentres os retoques da película seguen o seu transcurso, os do Making Off estamos liándonos cos miles de arquivos seleccionados previamente. Debo dicirvos que absolutamente todos ides aparecer e ninguén se vai librar. En caso contrario, xa estou eu aí para ocuparme de engadir á xente que falta. Espero con moito gusto que máis dun se poña colorado na estrea ó verse facer tolerías. Desde logo, como non estivera onde estou a traballar nestes días, nunca puidera imaxinar que os participantes de Animais Artificiais fósemos tan animais e nada artificiais.

Blue Bossa

jueves, 26 de mayo de 2011

Video clip "Alone Together"

Un pequeno traballo do equipo de making off, que poderemos ver ó completo na estrea.
O equipo conta con máis de 1.500 vídeos. Este material vainos permitir facer unha edición especial no primeiro trimestre do curso que vén... pero diso non imos contar nada máis agora, porque será unha nova sorpresa!!

A calidade dalgúns vídeos do making non é moi boa, pero se temos en conta cos medios que foron tomadas as imaxes... a cousa cambia.
Moitos dos vídeos foron gravados polas cámaras domésticas dos propios alumnos/as.
O máis importante na aprendizaxe artística non é a calidade do material que utilizamos, o máis importante é a calidade humana... nese campo estamos moi ben servidos, e temos unha gran canteira.

miércoles, 25 de mayo de 2011

Coming Home Baby

Video clip de "Coming Home Baby"
Este tema é utilizado nos créditos da mediametraxe.
A gravación da música levouse a cabo nos estudos "Phonos" da Estrada. A gravación das imaxes, foron tomadas polos alumnos de Making Off. A montaxe do vídeo correu a cargo de Xoán Xosé ( director técnico )


Making off

Estamos a ver as primeiras montaxes que se fixeron de cara ao making off.
A verdade é que o equipo avanzou moito; dende as primeiras tomas ás últimas que veremos na estrea, a diferenza é notable.
Estamos impacientes por amosar o resultado final.

martes, 24 de mayo de 2011

Carteis finalistas

Estes son os carteis finalistas.
Sen dúbida a elección foi moi difícil, porque a calidade e claridade de ideas en canto ó guión, son perfectas.
Noraboa a todos/as.

Fátima Maquieira





Lorena Rozados




Marta Quinteiro

Aparición OVNI

"Onte atopabámonos tan tranquilos, cando, de repente, oímos un forte ruído. Cal foi a nosa sorpresa cando saímos e vemos semellante masa de ferro voando sobre as árbores de Ouzande. Corremos rapidamente pola cámara, e gravamos isto:"



Isto é o que vos contaría se non me coñecerades, pero, ao ver isto, un dáse conta do traballiño que hai detrás. Trátase dunha animacion 3D integrada sobre unha fotografía. Esta secuencia de imaxes móstranos os pasos que demos.

(Fai clic para ver a secuencia)

jueves, 19 de mayo de 2011

Máis música

Como se achega a estrea xa podemos ir abrindo boca... aquí tendes dous temas.

Coming Home Baby, interpretado polos alumnos/as de primeiro de bacharelato de artes escénicas e musicais, será utilizada nos créditos.

Frauta: Martín Mella

Clarinete: Sara Valcárcel

Percusión: María Valdés

Batería: Alex Ayude

Xilófono: Nerea Cernadas

Baixo eléctrico: Chuqui

Piano: Fátima Blanco

Guitarra: Fausto Tejo


Podedes escoitalo e descargalo.




Este outro tema é Alone Together. Interpretado por:
Arturo Vizcarra, voz
Valentín Torrado, baixo
Miguel Carbajal, guitarra
Fátima Blanco, piano
Álex Ayude, batería










lunes, 16 de mayo de 2011

Sala de máquinas

Aproveitamos a ponte das Letras Galegas para avanzar na montaxe.
Marta, Martín e Carlos están a traballar no making off e Abel na corrección de cor.
Xoán Xosé, director técnico, está pendente do traballo para guiar aos alumnos/as.
O filme está case rematado, pero falta bastante traballo de making off.
Temos que visionar máis de 1.500 vídeos ( banda sonora, maquillaxe, filmación, ensaios, iluminación, montaxe)
Todo está gravado.
Nun primeiro momento, presentaremos a película mais un making off. No primeiro trimestre do curso seguinte, faremos unha montaxe "especial" onde imos incluír:
Tomas falsas, entrevistas, o nunca visto... pero iso será outra historia.


Sala de máquinas
Quítalle amarelo!!

miércoles, 11 de mayo de 2011

Alumnos de M.G.B música

Estamos moi orgullosos do voso traballo... aquí poñemos unha pequena mostra dun tema "Alone Together" cantado polo profesor de filosofía Arturo Vizcarra e polos/as alumnos/as de música. Máis e mellor na estrea... xa falta pouco!!




Este tema foi gravado, igual que o resto da banda sonora do filme, no estudo de gravación Phonos da Estrada.
Participaron un total de trinta alumnos/as na banda sonora, baixo a dirección do profesor de música Miguel Carbajal.

lunes, 9 de mayo de 2011

Fascinante

Velaquí unha pequena animación dun compoñente do equipo técnico!!
Sen dúbida hai talento!!
Este traballo foi realizado por Martín Duro en tan só dous días. A técnica é moi complexa e o programa utilizado é o "toon boon"
A verdade é que pisades forte... moito ánimo a todos/as, seredes grandes artistas.

jueves, 5 de mayo de 2011

ESTREA !!

Noraboa!!
O vindeiro día dez de xuño do 2011 será unha data para non esquecer pronto. Ás 21:00 no Teatro Principal de A Estrada, estreamos o ultimo traballo do Taller de Creación Artística do MGB.
Estamos aínda montando as últimas escenas e retocando algúns detalles. Ten boa calidade de imaxe e unha gran interpretación dos/as artistas. A banda sonora soa moi ben... agora falta o veredicto do público asistente.
Moita adicación ó longo do curso 2010/11 por parte do equipo de alumnos/as e profesores. Agora chegará o momento de valorar o resultado.
Disfrutade do momento.
Apertas mil !!

Xa falta pouco!!

Despois dalgunhas semanas "enclaustrados" xa estamos chegando ó final tan desexado.
A peli está a tomar un matiz moi interesante. Na montaxe comprobamos que o que ben empeza...
Se todo segue así, veremos pronto "Animais" na gran pantalla.
Ánimo a todos/as para rematar este traballo tan fermoso, só falta un último alento.

miércoles, 13 de abril de 2011

Montaxe

Ola a todas as actrices. Quérovos comentar, que estes días estou pasando moitas horas con vós. Non o credes? Pódovolo demostrar. Estou montando as primeiras escenas, e, menos mal que a miña cadeira ten respaldo, porque senón, caía ao chan de abraio. Estou escudriñando segundo a segundo as vosas interpretacións nun pantallón de vinte e non sei cantas polgadas. Tedes madeira de actrices, e iso nótase cando se ve na gran pantalla. Iso si, a que queira continuar actuando en cine, que teña coidado co raccord, o seu peor inimigo... ánimo, que isto vai moi ben!!!

jueves, 7 de abril de 2011

Final feliz

Esta é unha historia con final feliz. Polo momento, saíu todo segundo o previsto, que xa é moito dicir. Os prazos están a cumprirse á perfección. Onte mércores día seis de abril, rematamos a rodaxe. O lugar para a última toma foi o bar "A farola". Cerca de corenta persoas estiveron implicadas nesta toma: Músicos, actores e actrices, camareiros, público ( extras ) maquillaxe, sonidista, cámaras, making off, dirección... Un gran traballo sen dúbida. Agora só queda a montaxe... está ben, aínda queda a montaxe, segundo se mire. A materia prima é boa e iso é moi importante. A Partires deste momento seguiremos traballando os sábados para montar a película; imaxe, mapa sonoro,banda sonora, efectos 3D e un longo etc... Xa pagou a pena o esforzo, aínda que rematase aquí o traballo xa ninguén nos pode quitar a experiencia técnica e sobre todo humana que vivimos estes seis meses. Espero e desexo, que o resultado final nos faga sentir verdadeiramente satisfeitos co traballo. O mellor de todo foi que todos/as estivestes a tope, sen " escaqueos nin subcontratas" o mérito é voso, o éxito será voso. Mil apertas a todo o equipo !!
Músicos e público repasando o traballo. Xoán Xosé, sempre pendente da luz, enfoque ...

Actrices, making, maquillaxe... retocando os últimos detalles.

sábado, 2 de abril de 2011

A Farola!!

Última escena primeira parte. O primeiro que debemos facer é agradecer a colaboración do bar A Farola, grazas María. Tivemos o bar á nosa disposición toda a mañá. Entre músicos, actores, figurantes, equipo técnico... fixemos unha toma moi complexa. Esta escena deixámola para o final porque precisabamos rodaxe para poder facela. Gonzalo Valcarcel é o actor encargado de meternos na personaxe. Un camareiro un tanto particular.. será un "Animal Artificial?" O tratamento da luz tamén xoga un papel importante porque a escena precisa un clima concreto. O feito de utilizar música, intra diexética, supón un valor engadido pero tamén máis dificultades. Por outra banda, o equipo de maquillaxe, tivo moito traballo. Unhas quince persoas pasaron polas mans de María e Rebeca. Por último, o equipo técnico; cámaras, making off, son, iluminación... Hoxe non fallou nada, e o ambiente foi moi agradable. NORABOA!!
Gonzalo preparado, claqueta...


Canto traballo de maquillaxe

Os músicos ultiman os detalles do tema. " Alone Together "

miércoles, 30 de marzo de 2011

Último sábado!!

O vindeiro sábado 2/04, gravamos a primeira parte da última escena.
Precisamos a todo o equipo.
É importante que asistades todos/as incluídos os actores e actrices que xa participastes noutras escenas... Xa vos contarei o motivo.
Enfrontámonos a un traballo moi complicado:
Música en directo, actores, iluminación, son...
O equipo de maquillaxe vai ter un traballo extra... unhas 20 persoas pasarán polas vosas mans.
Imos gravar no bar A Farola da Estrada. Temos moita sorte porque o local estará á nosa disposición. A verdade é que se portaron moi ben en tódolos lugares que gravamos.
Xa sabedes todos/as... máxima concentración, puntualidade e traballo.
Ánimo e moita sorte para o remate!!

Moda ou despiste...?

domingo, 27 de marzo de 2011

Seis horas!!

Seis horas de traballo foron precisas para filmar esta escena. O escenario estaba preparado dos días anteriores, por iso foi posible rematala na mañá do sábado.
Un dos logros e premisas do Taller de Creación Artística é traballar no tempo libre. Outro dos logros é TRABALLAR.
A Entrega e nivel de concentración é absoluta... A min lémbrame á competición deportiva... quero dicir, ALTA COMPETICIÓN!!
Esta escena converteuse nunha das de maior plasticidade. A escenografía xoga un gran papel, pero nada comparable ó traballo do equipo.

Maquillaxe, actriz e making off...
O equipo de cámara en escenografía


Último retoque... rodando, claqueta e... acción


Só falta a última

Unha imaxe vale máis...
Todos moi atentos ás explicacións de dirección.
Xoán Xosé está sempre moi pendente da dirección técnica... que nade falle. Encadre, enfoque, luz, movementos de cámara... o equipo responde, mesmo hai verdadeiros momentos de xenialidade. Asemade de estar atento, Xoán está sempre, aínda que para rodaxe ten que facer algo máis de 80 km..
Grazas Xoan polo teu traballo tan ben feito...

Concentrados!!

África atenta aos detalles.. distancias, aproximacións, interpretación, texto... cantas cousas xuntas !!

A música forma un papel importantísimo nos nosos traballos... Fausto realizou un gran traballo coa guitarra clásica... verémolo no resultado final.

Carlos, Martín e Marta. Conscientes do cerca que estamos...

Outra etapa gañada

Esta foi unha etapa de montaña... pero a nós gústannos as subidas.

Unha pequena parte do material..

Xoán explicando algún detalle..

Marcos xa é un experto microfonista..

Sen música nada sería igual !!

viernes, 25 de marzo de 2011

Escena VI

Mañá sábado 26/03. Rodamos a escena VI.
OLLO !!! quedamos ás 9:30 no teatro Principal de A Estrada. Como ben sabedes o tempo voa, e nós precisamos recrearnos. Non debemos traballar contra - reloxo... esa sensación témola gardada para sempre os que " traballamos " en Dairas.
Só quedará, despois de mañá, unha escena máis. Como sabedes, repartirémola en dous días debido á súa complexidade.
Non sei se tomastes conciencia do que estades a conseguir... de momento non tivemos que recurrir ó horario escolar, e a rodaxe está tocando ó seu fin.
Temos a banda sonora, feita por vós, e temos a rodaxe... libres de calquera desgraza de última hora, no último trimestre estará montada. Lembrades a primeira reunión ¿ ?
Xa estou pensando na estrea... je
Mañá non pode fallar nada... hai moitas horas previas de traballo e debemos concentrarnos ben... xa sabedes como facelo.
Apertas EQUIPO !!!



Que estará pensando África ?
Cal delas será África... ?

jueves, 24 de marzo de 2011

África namorada?


Isto non é o que parece. África non se namorou desta "personaxe"
Neste intre está a realizar un exercicio de interpretación. É moi dificil representar unha personaxe, tanto nun escenario coma diante dunha cámara. Xa aprendemos dende hai moito tempo que con traballo podemos facer... case todo.
Estamos desexosos de verte diante das cámaras.. ánimo e concentración.
O Becario tamén tivo o seu momento romántico... pero nesta ocasión decantouse polas luces
Ao final do día, todo este caos estaba ben organizado.

" Becario " sempre con nós

Alá polo ano 2003, Xabi Adán " Becario " comezaba a tomarlle gusto a iso da escenografía... iluminación, son...
No ano 2004 estreamos " A Danza das Bruxas " e Becario estaba nos mandos técnicos.
No ano 2009 estreamos " Dormes ? " e Becario estaba aos mandos técnicos. Agora Becario, estivo de novo ós mandos da técnica, para crear a iluminación que precisamos para a escena VI. É un pracer contar cun técnico de iluminación e son, que comezou precisamente no Taller de Creación Artística do MGB.
A escenografía é bastante complexa pero o resultado estará á altura.
Esta vez, adicamos a tarde do xoves para preparar case todo... o venres daremos os últimos retoques e o sábado... rodando !!
África, a actriz para esta toma, tamén recibiu os últimos consellos, e mesmo puido crear momentos de gran beleza...
Todos/as a por todas... estamos na recta final da filmación... xa se ve o cartel de " META "

Últimos retoques aos/ás personaxes

Sensibilidade e adicación..

Moita técnica ao servizo da arte

sábado, 19 de marzo de 2011

Fin escena cinco

Outro sábado máis. O teatro principal foi o lugar elixido para esta ocasión. Grazas ó Concello da Estrada pola súa colaboración, e grazas a José pola súa puntualidade e predisposición para colaborar con nós.
Rematamos a quinta escena. Dende as dez da mañá ata as tres da tarde... ó final conseguímolo.
Hoxe vivimos un novo día de grandes emocións... moita arte diante e detrás das cámaras.
NORABOA !!


Que escena tan bonita !

Alba e Luís non vacilaron en repetir unha e otra vez a súa toma. A súa calidade é tan grande que non nos cansamos de velos.

Con estes asesores non me estraña... que grandes sodes...
Os bailaríns estiveron arroupados por Leticia e Álvaro. Grazas a todos/as polo voso talento. Mil apertas e... vémonos na estrea

Maya Plisetkaya xa é realidade

Nerea Cernadas sacou o mellor de si, a pesares de que o comenzo do día non foi doado.
O traballo previo levado a cabo co equipo de actrices e actores agora está a dar o seu froito. É moi pouco usual ter que repetir unha toma por erros de interpretación, o cal me fai sentir verdadeiramente feliz...


Nerea presta atención aos últimos detalles

Rebeca, unha das nosas maquilladoras, neste caso supervisa o escenario e atrezzo que tiveron que preparar para esta escena.

A radiación electromagnética, máis coñecida como luz, da moitos problemas e precisa de unha atención especial.

Parte do equipo despois dunha gran batalla.

Fantástico

Moita beleza xunta... por unha banda todo o equipo técnico, que é unha verdadeira piña, e un exemplo de traballo e entrega...todos estamos orgullosos da vosa organización.
Somos moitos, e sempre se esquece algún detalle... nembargantes cada vez está todo mellor.

Moita xente e ben organizada.

Máxima concentración... iso é o xérmolo do " éxito "

Guión, atrezzo, maquillaxe, luz, cámaras, microfonista, actores, dirección... todos a unha

jueves, 17 de marzo de 2011

Sistema anacrónico

É posible que o noso traballo sexa un modelo algún día?
Imaxinades que iso fose certo?
Estaremos a facer algo máis que " teatro "?
En realidade estamos aprendendo algo?
As artes xogarán un papel importante no futuro...?
Cando teñades media hora de relax, escoitade a opinión dos expertos...
despois, sacade as vosas conclusións... é o único que vos fará
" diferentes "



miércoles, 16 de marzo de 2011

Escena V rodandooo...

Este sábado día 19/03 gravamos outra escena. Coidado, porque nesta ocasión quedamos ás 10 da mañá ( ás 10:30 debemos estar gravando, se non queremos levar un disgusto ás 14:30...
Lugar: Teatro Principal.
Equipo ó completo, todo revisado e preparado.
Actores e actrices:
Nerea
Luís
Alba
Debería asistir tamén África, pois a seguinte escena será con ela.
Enfrentámonos a un día moi intenso; a filmación será complexa e looooonga. Xa temos rodaxe e cada día está todo mellor, pero non debemos perder nunca a concentración. É importante atopar o estado xusto de estrés e concentración, para que todo saia ben... seguro que si.
Ánimo, e cadaquén que revise o seu labor... lembrade que estamos na champions !!

Prensa

" Animais Artificiais " xa comezou a saír na prensa... o máis importante vai ser o resultado final e iso é o que nunca debemos esquecer.

Preme

lunes, 14 de marzo de 2011

Nicholas Carr

Parece ser que non estamos sós... Nicholas Carr, explícanos no seu último libro, que nos está a pasar... será que nos convertemos en animais artificiais ?

Perdemos capacidade de reflexión, retención, observación...

Guy Debord

Guy Debord foi un filósofo, escritor e cineasta francés. A súa corrente artística estivo preto do Dadaísmo e do Surrealismo... agora debemos afondar un pouco no tema, para deseñar as imaxes que formarán o decorado do noso edificio para a quinta escena.
Pois xa sabedes... a traballar

Pintura surrealista

sábado, 12 de marzo de 2011

A sorte estivo do noso lado !!

Esta vez a "sorte" estivo con nós. Quince minutos despois de rematar, comezou a chover. Para penurias xa pasamos por Dairas...
Este traballo está a cumprir cos prazos e previsións da dirección, cadaquén cumpre co seu compromiso.
Hoxe gravamos a quinta escena. Se deixamos de lado que nos esquecemos dun rolo de cinta illante, e que case entramos en pánico nos últimos tres minutos de gravación (a batería advertía... tres minutos) o demais estivo máis que ben.
Fani e Paula pasaron moito frio. Nun momento concreto vin como Fani tremía co frío. Sempre hai alguén disposto/a a botar unha man... Sara e Nerea achegáronnlle algo de roupa ás actrices para que puidesen entrar en calor nas pausas. A calidade das persoas mídese polos feitos, non polas palabras...
Os meus parabéns a un traballo ben feito; xa os coñecedes, pero teño que felicitarvos de novo.
Cando pasen os anos poderei dicir: " eu traballei con eles "



Primeiro sesión de maquillaxe...

Encadre e organización


Acción !!
Parte do equipo ó final da rodaxe
Seguide así... xa falta menos